അഭ്യസ്തവിദ്യരായ 1000 വനിതകള്‍ക്ക് നാനോ സ്റ്റാര്‍ട്ടപ്പുകള്‍ തുടങ്ങാന്‍ കേരള സ്റ്റാര്‍ട്ടപ്മിഷന്‍ (കെഎസ്‌യുഎം) പരിശീലനം നല്‍കും. കേരള വിമന്‍ ഇന്‍ നാനോ സ്റ്റാര്‍ട്ടപ്പ് പ്രോഗ്രാം (കെവിന്‍സ്) എന്ന പദ്ധതിയിലൂടെയാണ് പരിപാടി നടപ്പാക്കുന്നത്. നൈപുണ്യ ശേഷി വര്‍ധിപ്പിക്കുന്നതിലൂടെ മെച്ചപ്പെട്ട ജോലി, പുതിയ സംരംഭം, ഉദ്യോഗക്കയറ്റം, വര്‍ക്ക് ഫ്രം ഹോം സാധ്യതകള്‍ മുതലായവ സ്ത്രീകള്‍ക്ക് ഉപയോഗപ്പെടുത്താം. ഭാവിയില്‍ 10,000 വനിതകള്‍ക്ക് പരിശീലനം നല്‍കുകയാണ് ലക്ഷ്യം.
ആയിരം വനിതകള്‍ക്ക് വിദഗ്ധ പരിശീലനവുമായി സ്റ്റാര്‍ട്ടപ് മിഷന്‍
