രണ്ടു തസ്തികകളിലേക്കു ചുരുക്കപ്പട്ടിക പ്രസിദ്ധീകരിക്കുന്നതിനു ഇന്നലെ ചേർന്ന പിഎസ്സി യോഗം തീരുമാനിച്ചു.
ആരോഗ്യ വകുപ്പിൽ ജൂണിയർ കണ്സൾട്ടന്റ്, പൊതുമരാമത്ത് (ഇലക്ട്രോണിക്സ് വിംഗ്) വകുപ്പിൽ എൻജിനിയറിംഗ് അസിസ്റ്റന്റ് എന്നീ തസ്തികകളിലേക്കാണ് ചുരുക്കപ്പട്ടിക പ്രസിദ്ധീകരിക്കുക.
മെഡിക്കൽ വിദ്യാഭ്യാസ വകുപ്പിൽ സ്റ്റാഫ് നഴ്സ് ഗ്രേഡ് 2 തസ്തികയിലേക്കുള്ള സാധ്യതാപട്ടിക പ്രസിദ്ധീകരിക്കും. കേരള ഹയർ സെക്കൻഡറി വിദ്യാഭ്യാസ വകുപ്പിൽ എച്ച്എസ്എസ്ടി (ജൂണിയർ) മാത്തമാറ്റിക്സ് തസ്തികയിലേക്കു ഓണ്ലൈൻ പരീക്ഷ നടത്തും. സാമൂഹ്യനീതി വകുപ്പിൽ ഇൻസ്ട്രക്ടർ (ലെതർ വർക്സ്), ഹോമിയോപ്പതി വകുപ്പിൽ മെഡിക്കൽ ഓഫീസർ (ഹോമിയോ) എന്നീ തസ്തികകളിലേക്ക് അഭിമുഖ പരീക്ഷ നടത്തുന്നതിനും ഇന്നലെ ചേർന്ന പിഎസ്സി യോഗം തീരുമാനിച്ചു.