കൊട്ടിയൂര്‍: ശ്രീനാരായണ എല്‍.പി.സ്‌ക്കൂള്‍ പ്രീ -പ്രൈമറി വിഭാഗം പ്രവേശനോത്സവം നടത്തി. കോവിഡ് മഹാമാരി മൂലം അടച്ചു പൂട്ടിയ നേഴ്‌സറി സ്‌കൂളുകള്‍ തുറക്കാന്‍ സര്‍ക്കാര്‍ അനുമതി നല്‍കിയ സാഹചര്യത്തിലാണ് പ്രീ-പ്രൈമറി വിഭാഗം തുറക്കുന്നത്. അക്ഷരലോകത്ത് എത്തിയ നവാഗതരായ കുരുന്നുകളെ അക്ഷര കിരീടം ചൂടി സ്വീകരിച്ചു.അതോടൊപ്പം കളര്‍ പെന്‍സിലുകളും മധുര പലഹാരവും നല്കി. മാനേജര്‍ പി.തങ്കപ്പന്‍ മാസ്റ്റര്‍, ഹെഡ്മാസ്റ്റര്‍ പി.കെ.ദിനേശ് ,പി.റ്റി.എ പ്രസിഡണ്ട് ബിനോയ് കുമ്പുങ്കല്‍,മിനി ഷാജി, റീത്ത മേരി, ബിന്‍സി ജെയ്‌സണ്‍ എന്നിവര്‍ നേതൃത്വം നല്കി.