ഇരിട്ടി: തേങ്ങ പറിക്കുന്നതിനിടെ യുവാവ് തെങ്ങിൽ നിന്നു വീണു മരിച്ചു. പുന്നാട് തട്ടിലെ ചാത്തോത്ത് ഹൗസിൽ സി. കൃഷ്ണൻ്റെയും സൗമിനിയുടെയും മകൻ സി.സിജു ( 42) ആണ് മരിച്ചത്. പുന്നാട് ടൗണിലെ ആദ്യകാല ഡ്രൈവർ ആയിരുന്നു. ഞായറാഴ്ച വൈകിട്ട് 4 മണിയോടെ അയൽവാസിയുടെ തേങ്ങ പറിക്കുന്നതിനിടെ യായിരുന്നു അപകടം. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ജില്ലാ ആശുപത്രി മോർച്ചറിയിലേക്ക് മാറ്റിയ മൃതദേഹം തിങ്കളാഴ്ച ഉച്ചക്ക് ഒരു മണിയോടെ വീട്ടിലെത്തിച്ച ശേഷം സംസ്ക്കരിക്കും. സഹോദരങ്ങൾ: സിനി, സീന.
previous post