കോവിഡ് വ്യാപനത്തെത്തുടർന്ന് അടച്ച സ്കൂളുകളും കോളജുകളും ഇന്നു വീണ്ടും പ്രവർത്തനം ആരംഭിക്കുന്നു. സ്കൂളുകളിൽ 10,11, 12 ക്ലാസുകളാണ് ഇന്ന് തുടങ്ങുന്നത്. സാധാരണ നിലയിലേപ്പോലെ രാവിലെ ആരംഭിച്ച് വൈകുന്നേരം അവസാനിക്കുന്ന രീതിയിലുള്ള ക്ലാസുകൾ ആണ് ക്രമീകരിച്ചിട്ടുള്ളത്.
കോളജുകളിലെ ബിരുദ, ബിരുദാനന്തര ക്ലാസുകളും ഇന്ന് ആരംഭിക്കും. ഒന്നു മുതൽ ഒൻപതു വരെയും ക്രഷുകൾ, കിൻഡർ ഗാർട്ടനുകൾ എന്നിവയും ഈ മാസം 14 ന് ആരംഭിക്കും. കോവിഡ് മാനദണ്ഡങ്ങൾ പൂർണമായും പാലിച്ചാവും ക്ലാസുകൾ നടത്തുകയെന്നു പൊതുവിദ്യാഭ്യാസ വകുപ്പ് മാധ്യമങ്ങളെ അറിയിച്ചു.