കോവിഡ് മൂന്നാം തരംഗത്തില് സ്വയംപരിശോധനാ കിറ്റുകളുടെ വില്പനയിൽ 200 ശതമാനത്തിലധികം വർധന. ഒന്നും രണ്ടും തരംഗ വേളകളിൽ രോഗികളിൽ പ്രകടമായ ലക്ഷണങ്ങളുണ്ടായിരുന്നു.
എന്നാൽ മൂന്നാം തരംഗത്തിൽ ചെറിയ ലക്ഷണങ്ങൾ മാത്രമാണുള്ളത്. കാര്യമായ ലക്ഷണങ്ങളുള്ളവർക്കേ ഡോക്ടർമാർ ആർടിപിസിആർ പരിശോധന നിർദേശിക്കുന്നുള്ളൂ. ഈ സാഹചര്യത്തിലാണു കോവിഡ് ബാധയുണ്ടോയെന്നു സ്വയം പരിശോധിക്കാനുള്ള സെൽഫ് ടെസ്റ്റ് കിറ്റുകളുടെ ഉപയോഗം വർധിച്ചത്. മൂന്നാഴ്ചയ്ക്കിടെ ടെസ്റ്റ് കിറ്റുകളുടെ വില്പന കുത്തനെ ഉയർന്നിട്ടുണ്ട്.