ഇരിട്ടി : പേരാവൂർ നിയോജകമണ്ഡലത്തിലെ പൊതുമരാമത്ത് വകുപ്പ് പ്രവൃത്തികള് സംബന്ധിച്ച് നിയോജകമണ്ഡലത്തിന്റെ ചുമതലയുള്ള നോഡൽ ഓഫീസര് പിഡബ്ള്യുഡി ബില്ഡിംഗ് വിഭാഗം എക്സിക്യുട്ടീവ് എൻജിനിയര് ജിഷ കുമാരിയുടെ സാന്നിധ്യത്തില് സണ്ണി ജോസഫ് എംഎൽഎ ചർച്ച നടത്തി.
ഇരിട്ടി- പേരാവൂർ- നെടുംപൊയിൽ റോഡും മാടത്തിൽ -എടൂർ- കീഴ്പ്പള്ളി റോഡും മറ്റു പ്രധാന റോഡുകളും മെക്കാഡം ടാറിംഗ് ചെയ്യേണ്ടതിന്റെ ആവശ്യകത എംഎല്എ നോഡല് ഓഫീസറുടെ ശ്രദ്ധയിൽപ്പെടുത്തി. നിയോജകമണ്ഡലത്തിലെ 25 റോഡുകളുടെ റണ്ണിംഗ് കോൺട്രാക്ട് ആയി മൂന്ന് കോടി 85ലക്ഷം രൂപ അനുവദിച്ച് പ്രവൃത്തി എത്രയും പെട്ടെന്ന് ആരംഭിക്കണമെന്നും നിയോജക മണ്ഡലത്തിലെ ഗതാഗത യോഗ്യമല്ലാത്ത മുഴുവൻ പൊതുമരാമത്തു റോഡുകളും ഗതാഗത യോഗ്യമാക്കണമെന്നും എംഎൽഎ ആവശ്യപ്പെട്ടു. അസിസ്റ്റന്റ് എക്സിക്യുട്ടീവ് എൻജിനിയർ പി. സജിത്തും വിവിധ പൊതു മരാമത്തുവകുപ്പിന്റെ കീഴിലുള്ള അസിസ്റ്റന്റ് എൻജിനിയർമാരും പങ്കെടുത്തു.