കെ റെയിൽ പദ്ധതിക്കായി നിലവില് ഭൂമി ഏറ്റെടുക്കാനാവില്ലെന്ന് കേന്ദ്ര റെയില്വേ മന്ത്രി അശ്വിനി വൈഷ്ണവ്. അന്തിമ ലൊക്കേഷന് സര്വേ, ലാന്റ് പ്ലാന് അനുമതി എന്നിവ ഇല്ലാതെ ഭൂമി ഏറ്റെടുക്കാന് കഴിയില്ല. പദ്ധതിയിലെ ഗുരുതരമായ പിഴവുകള് ഇ.ശ്രീധരന് ചൂണ്ടിക്കാട്ടിയതായും കേന്ദ്രമന്ത്രി ട്വീറ്റ് ചെയ്തു.
കേന്ദ്രമന്ത്രി വി. മുരളീധരന്, ഇ.ശ്രീധരന്, കെ. സുരേന്ദ്രന്, കുമ്മനം രാജശേഖരന്, പി.കെ. കൃഷ്ണദാസ് തുടങ്ങിയവരുള്പ്പെടുന്ന ബിജെപിയുടെ പ്രതിനിധി സംഘമാണ് വെള്ളിയാഴ്ച ഉച്ചയ്ക്ക് കേന്ദ്രമന്ത്രിയുമായി കൂടിക്കാഴ്ച നടത്തിയത്.
റെയില്വേ മന്ത്രി അശ്വിനി വൈഷ്ണവിനെ ആശങ്കകള് അറിയിച്ചെന്ന് കേന്ദ്രമന്ത്രി വി. മുരളീധരന് കൂടിക്കാഴ്ചയ്ക്ക് ശേഷം പ്രതികരിച്ചിരുന്നു. ഭൂമിയേറ്റെടുക്കാനുള്ള അനുമതിയില്ലെന്ന് റെയില്വേമന്ത്രി പറഞ്ഞതായി വി. മുരളീധരന് വ്യക്തമാക്കി.