പേരാവൂർ: കോവിഡ് നിയന്ത്രണം തുടരുന്ന സാഹചര്യത്തിൽ പേരാവൂർ തെറ്റുവഴിയിലെ മരിയ, കൃപാ ഭവനിലെ 300 ഓളം അന്തേവാസികളുടെ നിത്യേനയുള്ള ഭക്ഷണം പ്രതിസന്ധിയിൽ. ഇതോടെ സഹായം തേടി ഉദാരമനസ്കരെ സമീപിച്ചിരിക്കുകയാണ് സ്ഥാപന നടത്തിപ്പുകാർ. നിത്യേന രണ്ടു ക്വിന്റലോളം അരിയും മറ്റു സാധനങ്ങളും വേണം ഇവർക്കു ഭക്ഷണത്തിന്.
കോവിഡ് നിയന്ത്രണങ്ങൾ കർശനമാക്കിയതോടെ സന്ദർശകരും ഭക്ഷ്യവസ്തുക്കൾ എത്തിക്കുന്നവരും ഇല്ലാതായി. ഫലവർഗങ്ങളുടെ സീസൺ ആരംഭിക്കാത്തതിനാൽ അത്തരത്തിലും ലഭിക്കാതെയായി. നാട്ടിൽ സാമ്പത്തിക പ്രതിസന്ധി ഉള്ളതിനാൽ സാമ്പത്തിക സഹായവും ലഭിക്കാതായതോടെ പ്രതിസന്ധി രൂക്ഷമായി.
അടിയന്തര സാഹചര്യത്തിലാണ് സഹായാഭ്യർത്ഥനയുമായി ജനങ്ങൾക്കു മുന്നിലെത്തുന്നതെന്നും നൂറു രൂപ സഹായമാണ് അഭ്യർത്ഥിക്കുന്നതെന്നും മാസം തോറും 100 രൂപ സഹായിച്ചാൽ അന്തേവാസികളുടെ വയറു നിറയ്ക്കാനാകുമെന്നും കൃപാ ചാരിറ്റബിൾ ട്രസ്റ്റ് ഡയറക്ടർ സന്തോഷ് പറഞ്ഞു. ഉദാരമനസ്കർക്ക് ചുവടെ ചേർക്കുന്ന അക്കൗണ്ട് നന്പറിൽ സഹായം അയയ്ക്കാം. KRIPA CHARITABLE TRUST A / C: 11630200002435 IFSC: FDRL0001163 FEDERAL BANK KELAKAM BRANCH, G Pay 7510407919.