മുല്ലപ്പെരിയാര് അണക്കെട്ടും ബേബി ഡാമും നിലനിര്ത്താനുള്ള നടപടികള്ക്ക് കേരളം തടസം നില്ക്കുകയാണെന്ന് തമിഴ്നാട്. ഡാമിന് പരിസരത്തുള്ള മരങ്ങള് മുറിക്കാനും അപ്രോച്ച് റോഡിന്റെ അറ്റകുറ്റപ്പണികള്ക്കായും അനുമതി നല്കുന്നില്ലെന്നും തമിഴ്നാട് സുപ്രീംകോടതിയില് വ്യക്തമാക്കി
മുല്ലപ്പെരിയാറില് പുതിയ സുരക്ഷാ പരിശോധന നടത്തണമെന്ന നിര്ദേശത്തെയും തമിഴ്നാട് എതിര്ത്തു. കേന്ദ്ര ജലകമ്മീഷന് മുന്നോട്ടുവച്ച നിര്ദേശത്തെ എതിര്ത്തുകൊണ്ടാണ് തമിഴ്നാട് സുപ്രീംകോടതിയില് മറുപടി നല്കിയത്.
സീപ്പേജ് അളവ് അനുവദനീയമായ നിലയില് തന്നെയാണ്. ഡാമിന്റെ അറ്റകുറ്റപ്പണികള് പൂര്ത്തിയാക്കിയ ശേഷം മാത്രമേ സുരക്ഷാ പരിശോധന നടത്താവൂ എന്ന നിലപാടിലാണ് തമിഴ്നാട്.