കെ. റെയിൽ പദ്ധതിയുമായി ബന്ധപ്പെട്ട് സർക്കാർ ലഭ്യമാക്കിയ ഡിപിആർ അപൂർണമെന്ന് അൻവർ സാദത്ത് എംഎൽഎ. ഇക്കാര്യം ചൂണ്ടിക്കാട്ടി അദ്ദേഹം സ്പീക്കർക്ക് കത്ത് നൽകി.
നിയമസഭാ ചോദ്യത്തിന്‍റെ ഭാഗമായി ലഭിച്ച രേഖയിൽ നിർണായക വിവരങ്ങളില്ല. 415 കിലോമീറ്റർ പാതയുടെ അലൈൻമെന്‍റില്ല. പ്രധാന സ്റ്റേഷനുകളുടെ വിവരങ്ങളില്ല. സാമ്പത്തിക, സാങ്കേതിക റിപ്പോർട്ടുകളും ലഭ്യമാക്കിയിട്ടില്ലെന്ന് അൻവർ സാദത്ത് പരാതിയിൽ ചൂണ്ടിക്കാട്ടുന്നു.
നേരത്തെ കെ റെയില്‍ വിഷയത്തില്‍ മുഖ്യമന്ത്രി അവകാശലംഘനം നടത്തിയെന്നാരോപിച്ച് അൻവർ സാദത്ത് രംഗത്തെത്തിയിരുന്നു. ഡിപിആർ രേഖയിൽ പ്രധാനപ്പെട്ട പല കാര്യങ്ങളും സർക്കാർ മറച്ചുവച്ചുവെന്നാണ് ആക്ഷേപം