ബംഗാൾ ഉൾക്കടലിൽ ന്യൂനമർദത്തിന് സാധ്യതയെന്ന് കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. കേരളത്തിൽ ന്യൂനമർദ ഭീഷണിയില്ലെന്നും എന്നാൽ അടുത്ത അഞ്ച് ദിവസം കേരളത്തിൽ ഒറ്റപ്പെട്ട മഴയ്ക്ക് സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.
ഇന്ത്യൻ മഹാസമുദ്രത്തിൽ തെക്കൻ ബംഗാൾ ഉൾക്കടലിൽ മധ്യഭാഗത്തായി ഭാഗത്തായി ചക്രവാതചുഴി നിലനിൽക്കുന്നുണ്ട്. വരും മണിക്കൂറിൽ കിഴക്കു – വടക്കു കിഴക്കു ദിശയിൽ സഞ്ചരിക്കാൻ സാധ്യത.
ചക്രവാതചുഴിയുടെ സ്വാധീനത്തിൽ ഭൂമധ്യരേഖക്കും അതിനോട് ചേർന്ന തെക്ക് കിഴക്കൻ ബംഗാൾ ഉൾകടലിൽ അടുത്ത 24 മണിക്കൂറിൽ ന്യുന മർദം രൂപപ്പെടാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.