റബർതോട്ടമേഖലയിൽ ജോലിചെയ്യുന്ന തൊഴിലാളികളുടെ ക്ഷേമത്തിനായി റബർബോർഡ് നടപ്പാക്കുന്ന വിവിധ ക്ഷേമപദ്ധതികൾക്ക് അപേക്ഷ നൽകാം. തൊഴിലാളികളുടെ മക്കൾക്കുള്ള വിദ്യാഭ്യാസധനസഹായം പതിനൊന്നാം ക്ലാസു മുതലുള്ള കുട്ടികൾക്കാണ് നൽകുന്നത്.
ബിരുദതലം മുതലുള്ളവർ പരീക്ഷയ്ക്കുള്ള ഹാൾടിക്കറ്റ് ലഭിച്ച് നാലുമാസത്തിനുള്ളിൽ അപേക്ഷ നൽകണം. ഭവനരഹിതരായ തൊഴിലാളികൾക്ക് സ്വന്തം സ്ഥലത്ത് വീടുപണിയുന്നതിന് ധനസഹായം ലഭിക്കും.
ചെറുകിടതോട്ടങ്ങളിൽ ജോലിചെയ്യുന്ന തൊഴിലാളികൾക്ക് ചികിത്സാച്ചെലവിന്റെ നിശ്ചിതതുകയും ധനസഹായമായി നൽകും. ചെറുകിടതോട്ടങ്ങളിൽ ജോലിചെയ്യുന്ന സ്ത്രീകളായ ടാപ്പർമാരുടെയും അവരുടെ രണ്ടു പെണ്മക്കളുടെയും വിവാഹത്തിനും ബോർഡ് ധനസഹായം നൽകും.
സ്ത്രീടാപ്പർമാർക്ക് പ്രസവച്ചെലവുകൾക്ക് നിശ്ചിത തുകയും നൽകും. വിവരങ്ങൾക്ക് റബർബോർഡിന്റെ റീജിയണൽ ഓഫീസുകളിലോ കോൾസെന്ററിലോ ബന്ധപ്പെടാം. ഫോണ്: 0481 2576622.