കണ്ണൂർ: പൊതുവിപണിയിലെ വിലക്കയറ്റം നിയന്ത്രിക്കുന്നതിനും ഉപഭോക്താക്കള്‍ക്ക് നിത്യോപയോഗ സാധനങ്ങള്‍ ന്യായമായ വിലയ്ക്ക് ലഭ്യമാക്കുന്നതിനുമായി എല്ലാ താലൂക്കുകളിലും സപ്ലൈകോ ആരംഭിക്കുന്ന സഞ്ചരിക്കുന്ന വില്പനശാലകളുടെ പ്രവര്‍ത്തനം ഇന്ന് ആരംഭിക്കും.
പയ്യന്നൂര്‍ താലൂക്കിന്‍റെ ഉദ്ഘാടനം രാവിലെ ഒൻപതിന് പയ്യന്നൂര്‍ പുതിയ ബസ് സ്റ്റാന്‍ഡ് പരിസരത്ത് ടി.ഐ. മധുസൂദനന്‍ എംഎല്‍എ ഫ്ളാഗ് ഓഫ് ചെയ്യും.സഞ്ചരിക്കുന്ന വില്പനശാല എത്തിച്ചേരുന്ന തീയ്യതിയും സ്ഥലവും സമയവും യഥാക്രമം:
പയ്യന്നൂര്‍ താലൂക്ക്: ഇന്ന് രാവിലെ ഒൻപത് – രാമന്തളി, 11ന് -പാലക്കോട്, ഉച്ചയ്ക്ക് ഒന്ന് -ആലക്കാട്, മൂന്ന് -കുഞ്ഞിമംഗലം, അഞ്ച് – ഏഴോം പഞ്ചായത്ത്. നാളെ രാവിലെ ഒൻപത് -എരമം, 11ന് -മാത്തില്‍, ഉച്ചയ്ക്ക് ഒന്ന് -ഓലയമ്പാടി, ഉച്ചകഴിഞ്ഞ് മൂന്ന് -പൊന്നമ്പാറ, അഞ്ചിന് – തിരുമേനി.
തളിപ്പറമ്പ് താലൂക്ക്: ഇന്ന് രാവിലെ ഒൻപത് -അരിപ്പാമ്പ്ര, 11ന് ഒടുവള്ളി, ഒന്നിന് – കരുവഞ്ചാല്‍, മൂന്ന് – വെള്ളാട് കവല, അഞ്ച് -ചീക്കാട്. നാളെ രാവിലെ ഒൻപത് -അരിമ്പ്ര, 11ന് -കൊയ്യം, ഉച്ചക്ക് ഒന്ന് -കൊളത്തൂര്‍, മൂന്ന് -മടമ്പം,അഞ്ച് -കാഞ്ഞിരക്കൊല്ലി. സബ്സിഡി സാധനങ്ങളും ശബരി ഉല്‍പന്നങ്ങളും മൊബൈല്‍ മാവേലിസ്റ്റോറില്‍ ലഭിക്കും. ഉപഭോക്താക്കള്‍ റേഷന്‍ കാര്‍ഡ് കരുതണം.