2021-22 അധ്യയനവർഷം സംസ്ഥാനത്തെ മെഡിക്കൽ, മെഡിക്കൽ അനുബന്ധ കോഴ്സുകളിലേക്കുള്ള പ്രവേശനറാങ്ക് പട്ടിക (കീം 2021) നാളെ പ്രസിദ്ധീകരിക്കും.
കീം മുഖേന അപേക്ഷ സമർപ്പിച്ചിട്ടുള്ള വിദ്യാർഥികൾക്ക് അവരുടെ നീറ്റ് (യുജി) 2021 പരീക്ഷാഫലം സമർപ്പിക്കുന്നതിന് 24 വരെ സമയം അനുവദിച്ചിരുന്നു. ഇത് ഉൾപ്പെടുത്തിയുള്ള റാങ്ക് പട്ടികയാണു നാളെ പ്രവേശനപരീക്ഷാ കമ്മീഷണറുടെ വെബ് സൈറ്റിൽ (ww w.cee.kerala.gov.in) പ്രസിദ്ധീകരിക്കുന്നത്.
നീറ്റ് പരീക്ഷാഫലം പ്രവേശനപരീക്ഷാ കമ്മീഷണർക്ക് ഓണ്‍ലൈനായി സമർപ്പിക്കാത്തവരെ റാങ്ക് പട്ടികയിൽ ഉൾപ്പെടുത്തില്ല. മെഡിക്കൽ, മെഡിക്കൽ അനുബന്ധ കോഴ്സുകളിലേക്കുള്ള അലോട്ട്മെന്റ് ഷെഡ്യൂൾ പിന്നീട് പ്രസിദ്ധീകരിക്കും. ഹെൽപ് ലൈൻ നന്പർ: 04712525300.