കണ്ണൂർ: പെട്രോൾ -ഡീസൽ പാചകവാതക വില വർധനവിലും രൂക്ഷമായ വിലക്കയറ്റത്തിൽ പ്രതിഷേധിച്ചും “ജനജാഗരൺ അഭിയാൻ’ പദയാത്രയുടെ ഭാഗമായി നവംബർ 26, 27 തീയതികളിൽ കണ്ണൂരിൽ ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ പദയാത്ര നടത്തും. ബംഗ്ലാദേശ് വിമോചന ത്തിന്‍റെ അമ്പതാം വാർഷികത്തിന്‍റെ ഭാഗമായി ജില്ലാ കേന്ദ്രങ്ങളിൽ സെമിനാറുകൾ നടത്താനും യോഗം തീരുമാനിച്ചു. കെപിസിസി പ്രസിഡന്‍റ് കെ. സുധാകരൻ എംപി യോഗം ഉദ്ഘാടനം ചെയ്തു.
ഡിസിസി പ്രസിഡന്‍റ് മാർട്ടിൻ ജോർജ് അധ്യക്ഷത വഹിച്ചു. കെപിസിസി ജനറൽ സെക്രട്ടറി സോണി സെബാസ്റ്റ്യൻ, സതീശൻ പാച്ചേനി, പി.ടി. മാത്യു, എ.ഡി മുസ്തഫ, എം. നാരായണൻകുട്ടി, വി. രാധാകൃഷ്ണൻ, എൻ.പി. ശ്രീധരൻ, കെ.വി. ഫിലോമിന, തോമസ് വക്കത്താനം, കെ.സി. മുഹമ്മദ് ഫൈസൽ, പി.സി. രാമകൃഷ്ണൻ തുടങ്ങിയവർ പ്രസംഗിച്ചു.
വിലക്കയറ്റത്തിൽ പ്രതിഷേധിച്ച് കോൺഗ്രസ് പദയാത്ര
