ഇന്ധനനികുതി കുറയ്ക്കാത്ത സംസ്ഥാന സർക്കാർ നടപടിക്കെതിരേ കോണ്ഗ്രസ് പ്രക്ഷോഭത്തിലേക്ക്. ഇതിന്റെ ആദ്യപടിയായി നാളെ ചക്ര സ്തംഭനസമരം നടത്തും.
ഡിസിസികളുടെ നേതൃത്വത്തിൽ രാവിലെ 11 മുതൽ 11.15 വരെയാണ് ജില്ലാ ആസ്ഥാനങ്ങളിലാണ് സമരം. പൊതുജനങ്ങൾക്കു ബുദ്ധിമുട്ടുണ്ടാകാത്ത രീതിയിലും ഗതാഗതക്കുരുക്ക് ഉണ്ടാകാതെയും സമരം നടത്തണമെന്നു കെപിസിസി പ്രസിഡന്റ് കെ. സുധാകരൻ നിർദേശിച്ചു.