സംസ്ഥാനത്തെ കോവിഡ് നിയന്ത്രണങ്ങളിൽ കൂടുതൽ ഇളവുകൾ നൽകുന്നു. കോവിഡ് അവലോകന യോഗത്തിലാണ് തീരുമാനമായത്. ഒരു ഡോസ് വാക്സിൻ സ്വീകരിച്ചവർക്കും സിനിമ തീയറ്ററിൽ പ്രവേശിക്കാം.വിവാഹത്തിനും മരണത്തിനും പങ്കെടുക്കുന്നവരുടെ എണ്ണത്തിലും കൂടുതല് ഇളവ് നല്കി.
വിവാഹങ്ങള്ക്ക് 100 മുതല് 200 പേര്ക്ക് വരെ പങ്കെടുക്കാൻ സാധിക്കും. അടച്ചിട്ട ഹാളുകളിൽ 100 പേർക്കും തുറന്ന സ്ഥലങ്ങളിൽ 200 പേർക്കും പങ്കെടുക്കാനുമാണ് തീരുമാനമായത്. സ്കൂളിൽ കുട്ടികൾക്ക് രോഗലക്ഷണം കണ്ടാൽ ഉടൻ ചികിത്സ നൽകണമെന്നും യോഗം നിർദേശിച്ചു.നേരത്തെ, രണ്ടു ഡോസ് വാക്സിൻ സ്വീകരിച്ചവർക്ക് മാത്രമേ തീയറ്ററിൽ പ്രവേശനമുണ്ടായിരുന്നുള്ളു. എന്നാൽ തീയറ്റർ ഉടമകളുടെ ഇടപെടീലിനെ തുടർന്നാണ് ഇക്കാര്യത്തിലും ഇളവ് ലഭിച്ചത്.