2020 ഫെബ്രുവരി 15 ന് ശേഷം കാലാവധി കഴിഞ്ഞതും വിവിധ കാരണങ്ങളാൽ പുതുക്കാൻ കഴിയാത്തതുമായ ഡ്രൈവിംഗ് ലൈസൻസുകൾ പിഴകൂടാതെ പുതുക്കുന്നതിനുള്ള അവസരം ഒക്ടോബർ 31 വരെ.
‘പരിവാഹൻ’ വഴി ഓൺലൈൻ ആയാണ് അപേക്ഷിക്കേണ്ടത്. 450 രൂപയാണ് ലൈസൻസ് പുതുക്കുന്നതിനുള്ള ഡിപ്പാർട്മെന്റ് ഫീസ്. പുതുക്കുന്നതിന് ഒറിജിനൽ ലൈസൻസ്, ഫോട്ടോ, ഒപ്പ്, നേത്രപരിശോധന സർട്ടിഫിക്കറ്റ്, 50 വയസ്സ് കഴിഞ്ഞവർക്കുള്ള വൈദ്യപരിശോധന സർട്ടിഫിക്കറ്റ് എന്നിവ അപ്‌ലോഡ് ചെയ്യേണ്ടതാണ്.
ലൈസൻസ് പുതുക്കുന്നതിന് നേരിട്ട് മോട്ടോർ വെഹിക്കിൾ ഡിപ്പാർട്ട്മെന്റ് ഓഫീസുകളിൽ പോകേണ്ടതില്ല. കേരളത്തിലെ എല്ലാ അക്ഷയ കേന്ദ്രങ്ങളിലും ‘പരിവാഹൻ’ സംബന്ധമായ സേവനങ്ങൾ ലഭ്യമാണ്.