കേരള പബ്ലിക് സർവീസ് കമ്മീഷൻ ശനിയാഴ്ച നടത്താനിരുന്ന ഒന്നാംഘട്ട ബിരുദതല പ്രാഥമിക പരീക്ഷ പ്രതികൂല കാലാവസ്ഥയെ തുടർന്ന് മാറ്റി വച്ചിട്ടുണ്ട്. പുതുക്കിയ തീയതി പിന്നീട് അറിയിക്കും. അതേസമയം, 30ന് നിശ്ചയിച്ച ബിരുദതല പ്രാഥമികപരീക്ഷയ്ക്ക് മാറ്റമില്ല.
പിഎസ്‌സി 21ന് നടത്തുവാൻ നിശ്ചയിച്ചതും കാലവർഷക്കെടുതികളാൽ മാറ്റിവച്ചതുമായ അസിസ്റ്റന്‍റ് എൻജിനിയർ (സിവിൽ) പരീക്ഷകൾ 28ന് ഉച്ചയ്ക്ക് ശേഷം 2.30 മുതൽ 4.15 മണി വരെ നടത്തുമെന്നും പിഎസ്‌സി അറിയിച്ചു. ഉദ്യോഗാർഥികൾ നിലവിൽ ലഭ്യമായിട്ടുള്ള അഡ്മിഷൻ ടിക്കറ്റ് ഉപയോഗിച്ച് പരീക്ഷയ്ക്ക് ഹാജരാകണം.