രാജ്യത്ത് ഡീസൽ വില വീണ്ടും കൂട്ടി. ഒരു ലിറ്റർ ഡീസലിന് 26 പൈസയാണ് തിങ്കളാഴ്ച കൂടിയത്. അതേസമയം, പെട്രോള് വിലയില് മാറ്റമില്ല.
പുതുക്കിയ വില പ്രകാരം തിരുവനന്തപുരത്ത് ഡീസലിന് 96.15 രൂപയും എറണാകുളത്ത് 94.20 രൂപയും കോഴിക്കോട് 94.52 രൂപയുമാണ് വില.
നാല് ദിവസത്തിനിടെ ഡീസല് വില വര്ധിക്കുന്നത് മൂന്നാം തവണയാണ്. കഴിഞ്ഞ നാല് ദിവസത്തിനിടെ 74 പൈസയാണ് രാജ്യത്ത് ഡീസലിന് വില കൂടിയത്. അതേസമയം, 21 ദിവസമായി പെട്രോള് വിലയില് മാറ്റമില്ല.
രാജ്യത്തെ ഇന്ധന വില കുറയാതിരിക്കാൻ കാരണം സംസ്ഥാനങ്ങൾ ഇന്ധനവില ജിഎസ്ടിയിൽ ഉൾപ്പെടുത്താൻ സമ്മതിക്കാത്തതാണെന്നാണ് കേന്ദ്ര പെട്രോളിയം മന്ത്രി ഹർദീപ് സിങ് പുരിയുടെ വാദം.