കോവിഡ് വ്യാപനത്തെ തുടര്ന്ന് അടച്ച സംസ്ഥാനത്തെ സ്കൂളുകള് നവംബര് ഒന്നിന് തുറന്നു പ്രവര്ത്തനം ആരംഭിക്കുമ്പോള് ഒരു ബെഞ്ചില് രണ്ട് കുട്ടികള് എന്ന രീതിയിലുള്ള ക്രമീകരണം വേണമെന്ന് അഭിപ്രായം ഉന്നതതല യോഗത്തില് ഉയര്ന്നു. ഇക്കാര്യത്തില് കൂടുതല് ചര്ച്ച നടത്തി അന്തിമ തീരുമാനം കൈക്കൊള്ളും.
ക്ലാസ് തുടങ്ങി ആദ്യ ഒരാഴ്ച കുട്ടികള്ക്ക് കോവിഡ് പ്രതിരോധ മാനദണ്ഡങ്ങള് ക്ലാസിലും സ്വന്തം വീട്ടിലും എങ്ങനെ പാലിക്കണമെന്ന ക്ലാസുകള് നല്കും. ക്ലാസ് എങ്ങനെ ക്രമീകരിക്കണം എന്ന കാര്യത്തില് അന്തിമ തീരുമാനം ഉണ്ടായിട്ടില്ല. ഷിഫ്റ്റ് അടിസസ്ഥാനത്തില് ഉച്ചവരെ ക്ലാസുകള് എന്ന അഭിപ്രായവും ഉയര്ന്നിട്ടുണ്ട്.
ഇക്കാര്യങ്ങള് സംബന്ധിച്ച് വിശദമായ പരിശോധന നടത്തി റിപ്പോര്ട്ട് തയാറാകാകാന് പൊതുവിദ്യാഭ്യാസ സെക്രട്ടറി എ.പി.എം. മുഹമ്മദ് ഹനീഷ്, ആരോഗ്യ സെക്രട്ടറി രാജന് ഖോബ്രഗഡെ, പൊതുവിദ്യാഭ്യാസ ഡയറക്ടര് കെ. ജീവന് ബാബു എന്നിവരുള്പ്പെട്ട മൂന്നംഗ സമിതിയെ ഉന്നതതല യോഗം ചുമതലപ്പെടുത്തി.