പ്രധാനമന്ത്രി നരേന്ദ്ര മോദിയുടെ പിറന്നാൾ ദിനത്തിൽ വാക്സിനേഷനിൽ ചരിത്രനേട്ടം കുറിച്ച് ഇന്ത്യ. ഒരു ദിവസം രണ്ട് കോടി ഡോസ് വാക്സിൻ വിതരണം ചെയ്താണ് രാജ്യം ചരിത്രനേട്ടം സ്വന്തമാക്കിയത്. ഓരോ മിനിറ്റിലും 42,000 ഡോസ് വാക്സിന് വിതരണം ചെയ്തു.
ഒരു ദിവസത്തിനിടെ ഒരുകോടിയിലധികം ഡോസ് വാക്സിൻ നൽകുന്നത് ഒരുമാസത്തിനിടെ ഇത് നാലാം തവണയാണ്. രാജ്യത്ത് ഇതുവരെ 78.68 കോടി ഡോസ് വാക്സിനാണ് വിതരണം ചെയ്തത്. ആദ്യഡോസ് വാക്സിന് സ്വീകരിച്ചവരുടെ എണ്ണം 59.17 കോടിയാണ്. രണ്ട് ഡോസ് വാക്സിനും എടുത്തവര് 19.51 കോടിയാണ്.
മോദിയുടെ ജന്മദിനമായ സെപറ്റംബര് 17ന് രാജ്യത്തൊട്ടാകെ രണ്ടു കോടി പേര്ക്ക് കോവിഡ് വാക്സീന് നല്കാന് വിപുലമായ പരിപാടികള് കേന്ദ്രസര്ക്കാര് തയാറാക്കിയിരുന്നു.