കോവിഡ് വ്യാപനത്തിൽ ആശങ്ക നിലനിൽക്കുന്പോഴും നിലവിലെ നിയന്ത്രണങ്ങളിൽ കൂടുതൽ ഇളവുകൾ നൽകുന്ന കാര്യം സർക്കാർ ആലോചിക്കുന്നു. ഇതിന്റെ ഭാഗമായി സംസ്ഥാനത്തെ സർക്കാർ ഓഫീസുകൾക്കു ശനിയാഴ്ചയും പ്രവൃത്തി ദിവസമാക്കി.
ജീവനക്കാർക്കു കാർഡ് ഉപയോഗിച്ചുള്ള പഞ്ചിംഗ് സന്പ്രദായം പുനരാരംഭിക്കും. നാളെ ചേരുന്ന കോവിഡ് അവലോകന യോഗത്തിൽ കൂടുതൽ തീരുമാനങ്ങളുണ്ടാകും.
ഹോട്ടലുകളിൽ ഇരുന്നു ഭക്ഷണം കഴിക്കുന്ന കാര്യത്തിൽ അനുകൂല തീരുമാനമുണ്ടായേക്കും. എന്നാൽ, സിനിമാ തിയറ്ററുകൾ ഇപ്പോൾ തുറക്കേണ്ടതില്ലെന്ന തീരുമാനത്തിലാണു സർക്കാർ.
ബാർ ഹോട്ടലുകളും തത്കാലം തുറക്കില്ല. കൂടുതൽ ഇളവുകൾ നൽകണമെന്ന വിദഗ്ധസമിതിയുടെ റിപ്പോർട്ടും അവലോകന യോഗം പരിശോധിക്കും. ഇതിന്റെകൂടി അടിസ്ഥാനത്തിലായിരിക്കും കൂടുതൽ ഇളവുകൾ സംബന്ധിച്ചു സർക്കാർ തീരുമാനമെടുക്കുക.