കെഎസ്ആർടിസി ബ​സി​ന്‍റെ ബ്രേ​ക്ക് ന​ഷ്ട​പ്പെ​ട്ടു; പാൽച്ചുരത്ത് ഒ​ഴി​വാ​യ​ത് വ​ൻ ദു​ര​ന്തം

കൊ​ട്ടി​യൂ​ർ: കൊ​ട്ടി​യൂ​ർ -ബോ​യ്സ് ടൗ​ൺ റൂ​ട്ടി​ൽ ചെ​കു​ത്താ​ൻ തോ​ടി​നു സ​മീ​പം പൊ​ട്ടി​പ്പൊ​ളി​ഞ്ഞ റോ​ഡി​ൽ നി​റ​യെ യാ​ത്ര​ക്കാ​രു​മാ​യി പോ​കു​ക​യാ​യി​രു​ന്ന കെ​എ​സ്ആ​ർ​ടി​സി ബ​സി​ന്‍റെ ബ്രേ​ക്ക് പൈ​പ്പ് പൊ​ട്ടി. യാ​ത്ര​ക്കാ​രു​ടെ​യും സ​മീ​പ​ത്തു​ണ്ടാ​യി​രു​ന്ന​വ​രു​ടെ​യും അ​വ​സ​രോ​ചി​ത​മാ​യ ഇ​ട​പെ​ട​ൽ വ​ൻ ദു​ര​ന്തം ഒ​ഴി​വാ​ക്കി. മാ​ന​ന്ത​വാ​ടി​യി​ലേ​ക്ക് പോ​കു​ക​യാ​യി​രു​ന്ന ബ​സി​ന്‍റെ ബ്രേ​ക്ക് പൈ​പ്പ് മു​റി​ഞ്ഞ​തോ​ടെ​ണ് ബ്രേ​ക്ക് ന​ഷ്ട​പ്പെ​ടു​ക​യാ​യി​രു​ന്നു.​ഇ​ന്ന​ലെ രാ​വി​ലെ 9.30 നാ​യി​രു​ന്നു സം​ഭ​വം.
റോ​ഡി​ന് വീ​തി​കു​റ​ഞ്ഞ ഈ ​ഭാ​ഗ​ത്ത് മ​ല​വെ​ള്ളം കു​ത്തി​യൊ​ഴു​കി വ​ൻ​കു​ഴി​ക​ളും രൂ​പ​പ്പെ​ട്ടി​ട്ടു​ണ്ട്. ഇ​തി​ൽ ചാ​ടി​യ​തോ​ടെ​യാ​ണ് ബ്രേ​ക്ക് പൈ​പ്പ് മു​റി​ഞ്ഞ​ത്. പ​തു​ക്കെ പോ​കു​ക​യാ​യി​രു​ന്ന ബ​സി​ൽ നി​ന്ന് ഉ​ട​ൻ ത​ന്നെ ചി​ല​ർ ചാ​ടി​യി​റ​ങ്ങു​ക​യും സ​മീ​പ​ത്തു​ണ്ടാ​യി​രു​ന്ന​വ​രു​മാ​യി ചേ​ർ​ന്ന് ട​യ​റു​ക​ൾ​ക്ക​ടു​ത്ത് ചെ​ങ്ക​ല്ല് വ​ച്ച് ബ​സ് നി​ര​ങ്ങി​നീ​ങ്ങു​ന്ന​ത് ത​ട​യു​ക​യാ​യി​രു​ന്നു.
ഇ​തു വ​ഴി​യെ​ത്തി​യ ടി​പ്പ​ർ ഡ്രൈ​വ​റും കൊ​ട്ടി​യൂ​ർ സ്വ​ദേ​ശി​ക​ളു​മാ​യ ആ​ൽ​ബ​ൻ കു​ന്നേ​പ​റ​മ്പി​ൽ, അ​ഭി​ഷേ​ക് ശി​വ​രാ​ജ് എ​ന്നി​വ​രു​ടെ സ​ഹാ​യ​ത്തോ​ടെ പി​ന്നീ​ട് ബ്രേ​ക്ക് പൈ​പ്പ് ശ​രി​യാ​ക്കി ബ​സ് യാ​ത്ര തു​ട​ർ​ന്നു. ഒ​രു മ​ണി​ക്കൂ​റോ​ളം ചു​ര​ത്തി​ൽ ഗ​താ​ഗ​തം ത​ട​സ​പ്പെ​ട്ടു. പൊ​ട്ടി​പ്പൊ​ളി​ഞ്ഞ് കി​ട​ക്കു​ന്ന ചു​രം റോ​ഡി​ലൂ​ടെ​യു​ള്ള യാ​ത്ര വ​ൻ ദു​രി​ത​മാ​യി​ട്ടു​ണ്ട്.
ഒ​ട്ടേ​റെ ത​വ​ണ പ​രാ​തി​പ്പെ​ട്ടി​ട്ടും യാ​തൊ​രു ഫ​ല​വും കാ​ണാ​ത്ത​തി​നെ തു​ട​ർ​ന്ന് റോ​ഡി​ലെ കു​ഴി​ക​ൾ അ​ട​യ്ക്കാ​ൻ ഇ​ന്ന​ലെ നാ​ട്ടു​കാ​ർ ത​ന്നെ മു​ന്നി​ട്ടി​റ​ങ്ങി. റെ​ജി ക​ന്നു​കു​ഴി​യു​ടെ നേ​തൃ​ത്വ​ത്തി​ൽ റോ​ഡ് ത​ക​ർ​ന്ന ഭാ​ഗ​ങ്ങ​ളി​ൽ ക്വാ​റി വെ​യ്സ്റ്റി​ട്ട് കു​ഴി​ക​ൾ അ​ട​ച്ചു. ‌
ജോ​ബി പു​ലി​യ​ൻ​പ​റ​മ്പി​ൽ, ബി​നു, രാ​ജ​ൻ, ഷി​ജു താ​ന്നി​വേ​ലി​ൽ എ​ന്നി​വ​ർ ചേ​ർ​ന്നാ​ണ് കു​ഴി​ക​ൾ അ​ട​ച്ച​ത്.