പേരാവൂർ സി.പി.എം പേരാവൂർ ഏരിയാ സമ്മേളനം നവംബർ 2,3 തിയ്യതികളിൽ കൊട്ടിയൂർ നീണ്ടുനോക്കിയിൽ നടക്കുമെന്ന് ഏരിയാകമ്മിറ്റി ഭാരവാഹികൾ പത്രസമ്മേളനത്തിൽ അറിയിച്ചു .പാർട്ടി ഏരിയാ കമ്മറ്റിയംഗവും മുഴക്കുന്ന് പഞ്ചായത്ത് മുൻ പ്രസിഡന്റുമായിരുന്ന സഖാവ് എം കണ്ണന്റെ നാമധേയത്തിലുള്ള നഗറിലാണ് എരിയാ സമ്മേളനം നടക്കുക . ഏരിയാ സമ്മേളനത്തിന്റെ മുന്നോടിയായുള്ള ബ്രാഞ്ച് സമ്മേളനങ്ങൾ ഈ മാസം 10 മുതൽ 30 വരെയും ലോക്കൽ സമ്മേളനങ്ങൾ ഒക്ടോബർ രണ്ട് മുതൽ 24 വരെയും നടക്കും. ഒക്ടോബർ 2 ന് പേരാവൂർ മുഴക്കുന്ന് 3 ന് കാക്കയങ്ങാട് 4 ന് കൊട്ടിയൂർ , 10 ന് അടക്കാത്തോട് , കൊളക്കാട് 16 ന് കേളകം 17 ന് മണത്തന,നീടുംപൊയിൽ 23 ന് കണിച്ചാർ 24 ന് കോളയാട് എന്നിങ്ങനെയാണ് ലോക്കൽ സമ്മേളനങ്ങൾ
ഏരിയാ , ലോക്കൽ , ബ്രാഞ്ച് സമ്മേളനങ്ങളുടെ ഭാഗമായി വെബീനാറുകൾ , പ്രഭാഷണങ്ങൾ , കലാസാംസ്കാരിക സമ്മേളനങ്ങൾ , ശുചീകരണ പ്രവർത്തികൾ കുടുംബ സമ്മേളനങ്ങൾ എന്നിവയും ഉണ്ടാവും . 2017 – ൽ പേരാവൂർ ഏരിയയിൽ പത്ത് ലോക്കൽ കമ്മിറ്റികളും 167 ബ്രാഞ്ചുകളും 2179 പാർട്ടി അംഗങ്ങളുമാണുണ്ടായിരുന്നത് . ഈ സമ്മേളനമാവുമ്പോഴേക്കും 11 ലോക്കലുകളും 177 ബ്രാഞ്ചുകളും 225 പാർട്ടി അംഗങ്ങളുമായി വർദ്ധിച്ചുവെന്ന് ഭാരവാഹികൾ പറഞ്ഞു . പത്രസമ്മേളനത്തിൽ ഏരിയാ സെക്രട്ടറി അഡ്വ.എം.രാജൻ , ഏരിയാകമ്മിറ്റിയംഗങ്ങളായ കെ.ശശീന്ദ്രൻ , എം എസ്.വാസുദേവൻ , കെ.കെ.ശ്രീജിത്ത് എന്നിവർ സംബന്ധിച്ചു .
previous post