ഇരിട്ടി : ഡോൺ ബോസ്കോ ആർട്സ് ആൻഡ് സയൻസ് കോളേജ് അങ്ങാടികടവ്, എൻ എസ് എസ് യൂണിറ്റ് എന്നിവയുടെ നേതൃത്വത്തിൽ ദീർഘകാലമായി ഇരിട്ടി നഗരസഭയിലെ ശുചീകരണ ജോലി ചെയ്യുന്ന തൊഴിലാളികളെ ആദരിച്ചു. തൊഴിലാളികളായ കെ. പ്രസന്ന , പി. തമ്പായി , പി.സന്തോഷ് , രാജീവൻ എന്നിവരെയാണ് ആദരിച്ചത് . ഡോൺ ബോസ്കോ ആർട്സ് ആൻഡ് സയൻസ് കോളേജ് മാനേജർ ഫാദർ ബാസ്റ്റിൻ നെല്ലിശേരി അധ്യക്ഷത വഹിച്ച ചടങ്ങ് ഇരിട്ടി നഗര സഭ ചെയർപേഴ്സൺ കെ. ശ്രീലത ഉൽഘാടനം ചെയ്തു .
പ്രോഗ്രാം ഓഫീസർമാരായ ഇ. ജിഷ , പി.കെ. നിധിൻ കുട്ടൻ , ഹെൽത്ത് ഇൻസ്പെക്ടർ കുഞ്ഞിരാമൻ, കണ്ണൂർ യൂണിവേഴ്സിറ്റി പ്രതിനിധി പ്രദീഷ് കുമാർ എന്നിവർ സംസാരിച്ചു.
എൻ എസ് എസ് വളണ്ടിയർ സെക്രട്ടറി മാരായ എ.വി. ലയ , അക്ഷയ് ബിജു, വളണ്ടിയർമാരായ ഗോകുൽ, സച്ചിൻ സാബു, അതുല്യ എന്നിവർ നേതൃത്വം നൽകി.
previous post