ഇരിട്ടി: ഇരിട്ടി ഹയർ സെക്കണ്ടറി സ്കൂൾ സമ്പൂർണ്ണ ഡിജിറ്റൽ വിദ്യാലയ പ്രഖ്യാപനവും പുതുതായി തുടങ്ങിയ ഡിജിറ്റൽ ലൈബ്രറിയുടെ ഉദ്ഘാടനവും ഇരിട്ടി നഗരസഭാ വൈസ് ചെയർമാൻ .പി.പി ഉസ്മാൻ നിർവ്വഹിച്ചു.
ഓൺലൈൻ പഠന സൗകര്യമില്ലാത്ത വിദ്യാർത്ഥികൾക്ക് പഠന സൗകര്യം ഒരുക്കുന്നതിനായി അധ്യാപകരും , 2010 സയൻ ബാച്ച് പൂർവ്വ വിദ്യാർത്ഥികളും , ഇരിട്ടി സ്കൂളിലെ എൻ എസ് എസ് യൂണിറ്റും നൽകുന്ന സ്മാർട്ട് ഫോണുകൾ ചടങ്ങിൽ പി.പി ഉസ്മാൻ സ്കൂൾ പ്രിൻസിപ്പാൾ കെ. ഇ. ശ്രീജയ്ക്കു കൈമാറി. വാർഡ് കൗൺസിലർ പി.പി. ജയലക്ഷ്മി അധ്യക്ഷത വഹിച്ചു . പ്രിൻസിപ്പാൾ കെ. ഇ .ശ്രീജ,
നോഡൽ ഓഫിസർ കെ.വി. സുജേഷ് ബാബു , നഗരസഭാ കൗൺസിലർ കെ. നന്ദനൻ, പി ടി എ പ്രസിഡണ്ട് സന്തോഷ് കോയിറ്റി, പ്രധാനാധ്യാപകൻ എം. ബാബു, സ്റ്റാഫ് സെക്രട്ടറി കെ. ബെൻസിരാജ് , എൻ എസ് എസ് പ്രോഗ്രാം ഓഫീസർ ഇ.പി. അനീഷ്കുമാർ, അധ്യാപകരായ മേഘ്ന റാം, ജോഷിത്ത്കുമാർ , പി. സിബി, കെ. എസ്. ദീപമോൾ , ബേബി ബിന്ദു എന്നിവർ സംസാരിച്ചു.