ഇരിട്ടി : സേവാഭാരതി ഇരിട്ടി യൂണിറ്റിന്റെ നേതൃത്വത്തിൽ ഇരിട്ടി മേഖലയിലെ വിവിധ ഇടങ്ങളിൽ അണു നശീകരണം നടത്തി. ഇരിട്ടി പോലീസ് സ്റ്റേഷൻ , താലൂക്ക് ഓഫീസ്, ടൗണിലെ സ്വകാര്യ ആശുപത്രികൾ തുടങ്ങി വിവിധ സ്ഥാപനങ്ങൾ, ഇരിട്ടി ടൗണിലെ ബസ് സ്റ്റോപ്പുകൾ, കൈവരികൾ എന്നിവിടങ്ങളിലാണ് അണുനാശിനി തളിച്ച് അണു നശീകരണം നടത്തിയത് . ആർ എസ് എസ് ഇരിട്ടി ഖണ്ഡ് കാര്യവാഹ് എം. ഹരിഹരൻ, ബി ജെ പി മണ്ഡലം ജന. സിക്രട്ടറി സത്യൻ കൊമ്മേരി, എ ബി വി പി സംസ്ഥാന സമിതി അംഗം പി.പി. പ്രിജു, ഇരിട്ടി ഖണ്ഡ് ശാരീരിക് പ്രമുഖ് പി. വിഷ്ണു എന്നിവർ നേതൃത്വം നൽകി.