ഇരിട്ടി നഗരസഭാ സേഫ്റ്റി കമ്മിറ്റി തീരുമാന പ്രകാരം കഴിഞ്ഞദിവസം ഇരിട്ടി ടൗണിലെ വ്യാപാര സ്ഥാപനങ്ങളിലും പൊതു സ്ഥലങ്ങളിലും കോവിഡ് മാനദണ്ഡങ്ങള്‍ പാലിക്കുന്നത് ഉറപ്പുവരുത്തുന്നതിനായി നഗരസഭാ ഉദ്യോഗസ്ഥരും, പോലീസും പൊതുജന ആരോഗ്യ വിഭാഗം ഉദ്യോഗസ്ഥരും സംയുക്ത പരിശോധന നടത്തി. 41 സ്ഥാപനങ്ങളില്‍ നടന്ന പരിശോധനയില്‍ കോവിഡ് മാനദണ്ഡങ്ങള്‍ ലംഘിച്ചതിന് ഒരു സ്ഥാപനത്തിന് നോട്ടീസ് നല്‍കി പിഴ ഈടാക്കി. മറ്റു സ്ഥാപനങ്ങള്‍ക്ക് ജാഗ്രതാ നിര്‍ദ്ദേശങ്ങള്‍ കര്‍ശനമായി പാലിക്കണമെന്ന് മുന്നറിയിപ്പ് നല്‍കി. പരിശോധന വരും ദിവസങ്ങളിലും തുടരുന്നതാണെന്ന് നഗരസഭാ സെക്രട്ടറി അറിയിച്ചു.
ജാഗ്രതാ നിർദ്ദേശം പാലിക്കാത്ത വ്യാപാരസ്ഥാപനങ്ങൾക്കെതിരെ നടപടി എടുക്കും ……….
