ഇരിട്ടി: ഇരിട്ടിൽ നടന്ന കോവിഡ് വാക്സിനേഷൻ മെഗാ ക്യാമ്പിൽ 1200 ലേറെ പേർ വാക്സിൻ സ്വീകരിച്ചു. തലശേരി റോട്ടറി ക്ലബിന്റെ സഹകരണത്തോടെ ഇരിട്ടി താലൂക്ക് ആശുപത്രിയുടേയും ഇരിട്ടി മുന്സിപ്പാലിറ്റിയുടെയും നേതൃത്വത്തിൽ ഫാൽക്കൺ പ്ലാസയിലാണ് 45 കഴിഞ്ഞവർക്കായി ഇന്നലെ വാക്സിനേഷൻ നടത്തിയത്.
ഇരിട്ടി മുൻസിപ്പാലിറ്റി, ഉളിക്കൽ, പായം, മുഴക്കുന്ന്, മാലൂർ, പടിയൂർ, തില്ലങ്കേരി, അയ്യൻകുന്ന് ,ആറളം പഞ്ചായത്തുകളിലുള്ളവരാണ് ക്യാമ്പിൽ എത്തിയത്. താലൂക്ക് ആശുപത്രി സൂപ്രണ്ട് ഡോ .പി.പി. രവീന്ദ്രൻ, ഡോ. അർജുൻ, ഇരിട്ടി നഗരസഭാ ചെയർപേഴ്സൺ കെ.ശ്രീലത, വൈസ് ചെയർമാൻ പി.പി. ഉസ്മാൻ, മുൻസിപ്പാലിറ്റി ഹെൽത്ത് ഇൻസ്പെക്ടർ എം. വേണുഗോപാൽ, കെ.പി. ഗ്ലാഡിസ്, മനോജ്, മേരി ജോസഫ്, കെ.എസ്. ഗിരിജ, ആരോഗ്യ പ്രവർത്തകർ , ആശാ പ്രവർത്തകർ , മുൻസിപ്പാലിറ്റി കൗൺസിലർമാർ, ഇരിട്ടി എംജി കോളജിലെ എൻസിസി കാഡറ്റുകൾ , ഇരിട്ടി ലയൺസ് ക്ലബ് , നന്മ ചാരിറ്റബിൾ സൊസൈറ്റി അംഗങ്ങൾ എന്നിവർ നേതൃത്വം നൽകി. അടുത്ത ക്യാമ്പ് 16 ന് രാവിലെ ഒന്പതു മുതൽ ഫാൽക്കൺ പ്ലാസയിൽ നടക്കുമെന്ന് ഇരിട്ടി താലൂക്ക് ആശുപത്രി സൂപ്രണ്ട് പി.പി. രവീന്ദ്രൻ അറിയിച്ചു.