ഇരിട്ടി: സ്വർണം വാങ്ങാൻ എന്ന വ്യാജേന എത്തി ഇരിട്ടിയിലെ ജ്വല്ലറിയിൽ നിന്ന് പത്ത് പവൻ കവർന്നു. പ്രൈം ഗോൾഡിലാണ് കവർച്ച നടത്തിയത്. സ്വർണം, വെള്ളി ആഭരണം വിൽക്കുന്ന ചെറിയ കടയിലെ സ്വർണാഭരണം പോരെന്നു പറഞ്ഞപ്പോൾ ഇടപാടുകാരനെ കടയിൽ ഇരുത്തി ഉടമ മറ്റൊരു ജ്വല്ലറിയിൽ നിന്ന് സ്വർണം എടുത്ത് കൊണ്ട് വന്നപ്പോൾ ഇടപാടുകാരൻ കടയിലുണ്ടായിരുന്ന 10 പവനുമായി മുങ്ങിയെന്നാണ് ഉടമ പ്രമോദ് പോലീസിൽ നൽകിയ പരാതി. രണ്ട് ദിവസമായി കടയിൽ വന്ന് സ്വർണം വാങ്ങാൻ എന്ന പോലെ ഇടപെടൽ നടത്തിയതിനാലാണ് ഇടപാടുകാരനെ കടയിൽ ഇരുത്തി പുറത്ത് പോയതെന്ന് ഉടമ പറയുന്നു. പോലീസ് അന്വേഷണം തുടങ്ങി.