ബക്രീദ് ദിനത്തിൽ പശുക്കളെ കശാപ്പ് ചെയ്യുന്നില്ലെന്ന് ഉറപ്പാക്കണമെന്ന് മഹാരാഷ്ട്ര ഡിജിപിക്ക് സ്പീക്കറുടെ നിർദേശം. നിയമസഭാ സ്പീക്കർ രാഹുൽ നർവേക്കറാണ് സംസ്ഥാന ഡിജിപി രജനീഷ് സേത്തിന് ഇതു സംബന്ധിച്ച് കത്തെഴുതിയത്. ഞായറാഴ്ചയാണ് മഹാരാഷ്ട്രയിൽ ബലിപെരുന്നാൾ.
നേരത്തേ, ഇക്കാര്യം ആവശ്യപ്പെട്ട് വിശ്വഹിന്ദു പരിഷത് മഹാരാഷ്ട്ര സർക്കാറിന് കത്തയച്ചിരുന്നു. ബക്രീദ് ദിനത്തിൽ പശുക്കളെ കശാപ്പ് ചെയ്യരുതെന്ന് കർണാടക സർക്കാരും നിർദേശം നൽകിയിട്ടുണ്ട്. ബംഗളൂരുവിൽ ഇതു പരിശോധിക്കാൻ പ്രത്യേക ടാസ്ക് ഫോഴ്സിന് രൂപം നൽകുകയും ചെയ്തു.