ഇരിട്ടി: ഇരിട്ടി പുഷ്പമേള 10 വരെ നീട്ടി. പയഞ്ചേരി തവക്കൽ കോംപ്ലക്സിന് സമീപം ഒരുക്കിയ പുഷ്പ, ഫല, സസ്യ, വാണിജ്യ മേളയാണ് നീട്ടിയത്.
നിരവധി സ്ഥാപനങ്ങളുടെ വിൽപ്പന സ്റ്റാളുകളും വിനോദത്തിനുള്ള പ്രത്യേക വിഭാഗവും മേളയിലുണ്ട്. 1500ചതുരശ്ര അടി വിസ്തൃതിയിലാണ് പുഷ്പമേളയുടെ പവലിയൻ ഒരുക്കിയത്. ഓർക്കിഡ് ഇനങ്ങൾ, വിദേശയിനം പൂച്ചെടികൾ, ഫല വൃക്ഷ തൈകളുടെ വിപുല ശേഖരവും വിവിധയിനം പൂന്തോട്ട ചെടികളും പൂക്കളും വിത്തുകളും പ്രദർശനത്തിനുണ്ട്.
കൂടാതെ കുട്ടികൾക്കടക്കം വിനോദം നൽകുന്ന വിവിധതരം റൈഡുകളുള്ള അമ്യുസ്മെന്റ് പാർക്കും, അഞ്ച് ഡി തീയേറ്ററും ഒരുക്കിയിട്ടുണ്ട്.
previous post