രാജ്യത്തെ എല്ലാ കേന്ദ്ര സര്ക്കാര് ജീവനക്കാരും നാളെ മുതല് ജോലിക്കായി ഓഫിസില് ഹാജരാകണമെന്ന് കേന്ദ്രമന്ത്രി ജിതേന്ദ്ര സിങ്. കോവിഡ് കേസുകളുടെ എണ്ണത്തിലുണ്ടായ കുറവ് കണക്കിലെടുത്താണ് വീട്ടിലിരുന്നുള്ള ജോലി (വര്ക്ക് ഫ്രം ഹോം) നിര്ത്തലാക്കുന്നതെന്ന് അദ്ദേഹം പറഞ്ഞു.
“കോവിഡ് വ്യാപനം സംബന്ധിച്ച് സ്ഥിതിഗതികള് ഇന്ന് അവലോകനം ചെയ്തു. രോഗികളുടെ എണ്ണത്തിലുണ്ടായ കുറവും പോസിറ്റിവിറ്റി നിരക്കിലെ കുറവും കണക്കിലെടുത്ത് നാളെ മുതല് ഓഫിസുകള് പൂര്വസ്ഥിതിയിലാക്കാന് തീരുമാനിച്ചു. എല്ലാ വിഭാഗം ജീവനക്കാരും ഓഫിസുകളില് നേരിട്ടെത്തണം. യാതൊരു ഇളവുകളും അനുവദിക്കില്ല. ഫെബ്രുവരി 7 മുതല് ഈ ഉത്തരവ് പ്രാബല്യത്തില് വരും”മന്ത്രി പറഞ്ഞു.