Uncategorized
അധിക സ്വര്ണം വിവാഹ ആവശ്യത്തിന് ഉപയോഗിക്കാന് അനുമതി തേടി ഉണ്ണികൃഷ്ണന് പോറ്റി; ഞെട്ടിക്കുന്ന വിവരങ്ങൾ
കൊച്ചി: ശബരിമല സ്വര്ണപ്പാളി വിവാദവുമായി ബന്ധപ്പെട്ട് ഞെട്ടിക്കുന്ന വിവരങ്ങള് പുറത്ത്. 2019 ഡിസംബറില് സ്പോണ്സർ ഉണ്ണികൃഷ്ണന് പോറ്റി അന്നത്തെ ദേവസ്വം പ്രസിഡന്റിന് അയച്ച രണ്ട് ഇ മെയില് സന്ദേശങ്ങളിലെ വിവരങ്ങളാണ് പുറത്തുവന്നിരിക്കുന്നത്. ശബരിമല വാതിലുകളിലെയും ദ്വാരപാലകങ്ങളിലെയും സ്വര്ണപ്പണികള് പൂര്ത്തിയാക്കിയശേഷവും ബാക്കി വന്ന സ്വർണം തന്റെ പക്കൽ ഉണ്ടെന്നും അധിക സ്വര്ണം ഒരു പെണ്കുട്ടിയുടെ വിവാഹ ആവശ്യത്തിന് ഉപയോഗിക്കാന് ആഗ്രഹിക്കുന്നുവെന്നും അറിയിച്ചാണ് ഇ മെയില് അയച്ചത്. 2019 ഡിസംബറിലാണ് മെയില് അയച്ചിരിക്കുന്നത്.
2019 ഡിസംബര് 9 നും 17 നുമായാണ് ഇ മെയില് സന്ദേശങ്ങള് ഉണ്ണികൃഷ്ണന് പോറ്റി മെയില് അയച്ചിരിക്കുന്നത്. ദേവസ്വം വിജിലന്സിന്റേതാണ് കണ്ടെത്തല്.
