സംസ്ഥാനത്ത് അടച്ചിട്ട ബാറുകൾ ഇന്നു മുതൽ തുറന്നു പ്രവർത്തിക്കും. എന്നാൽ വിദേശമദ്യം വിൽക്കില്ലെന്നും ബിയറും വൈനും മാത്രമായിരിക്കും വിൽപ്പനയെന്നും ബാർ ഉടമകളുടെ സംഘടന അറിയിച്ചു.
വെയർഹൗസ് ചാർജ് കൂട്ടിയ ബിവറേജസ് കോർപ്പറേഷൻ നടപടിയിൽ പ്രതിഷേധിച്ചാണ് സംസ്ഥാനത്തെ ബാറുകൾ അടച്ചിടാൻ തീരുമാനിച്ചിരുന്നത്. ബെവ്കോക്ക് നൽകുന്ന അതേ മാര്ജിനിൽ തന്നെ ബാറുകൾക്കും മദ്യം നൽകണമെന്നാണ് ഇവരുടെ ആവശ്യം.
കണ്സ്യൂമര് ഫെഡിന്റേത് എട്ടിൽ നിന്ന് 20 ശതമാനവും ബാറുകളുടേത് 25 ശതമാനവുമാക്കിയാണ് വെയര്ഹൗസ് മാര്ജിന് ഉയര്ത്തിയത്. വെയര്ഹൗസ് മാര്ജിന് വര്ധിപ്പിക്കുമ്പോഴും റീട്ടെയിൽ വില ഉയർത്താൻ അനുവാദമില്ലാത്തതാണ് കണ്സ്യൂമര് ഫെഡിനും ബാറുകള്ക്കും തിരിച്ചടിയായത്.