Uncategorized
വൈദ്യുതിയില്ലാതെ 9 മാസം; ഇടുക്കി എസ്റ്റേറ്റിൽ ആറു മാസം പ്രായമുള്ള പിഞ്ചു കുഞ്ഞുൾപ്പെടെയുള്ള കുടുംബം ഇരുട്ടിൽ
dot image
ഇടുക്കി: റാണികോവില് എസ്റ്റേറ്റില് ആറു മാസം പ്രായമുള്ള കുഞ്ഞുള്പ്പെടെയുള്ള കുടുംബം ഇരുട്ടില് കഴിയാന് തുടങ്ങിയിട്ട് ഒന്പത് മാസം. കമ്പനി ഉടമകളായ ബഥേല് ടീ പ്ലാന്റേഷന് അപേക്ഷ നല്കാത്തതാണ് തൊഴിലാളി ലയത്തിലെ വൈദ്യുതി കണക്ഷന് പുനഃസ്ഥാപിച്ച് നല്കാന് തടസ്സമായിരിക്കുന്നത്. ബാലകൃഷ്ണന്റെയും പളനിയമ്മാളിന്റെയും കുടുംബത്തിനാണ് ദുരവസ്ഥ. ഇവരുടെ മകള് മഞ്ജുഷയ്ക്ക് ആറ് മാസം പ്രായമായ കുഞ്ഞുമുണ്ട്. വിഷയം കമ്പനി അധികൃതരെ അറിയിച്ചിട്ടുണ്ടെന്ന് ടീ കമ്പനി സൂപ്പര്വൈസര് അജി റിപ്പോര്ട്ടറിനോട് പറഞ്ഞു. റാണികോവില് എസ്റ്റേറ്റിലെ സ്ഥിരം തൊഴിലാളികളായിരുന്നു ബാലകൃഷ്ണനും പളനിയമ്മാളും. തോട്ടം ബെഥേല് ഗ്രൂപ്പ് ഏറ്റെടുത്തതോടെ ബാലകൃഷ്ണന് പണിയില്ലാതായി. പളനിയമ്മാള്ക്ക് അനുവദിച്ച ലയത്തിലാണ് കുടുംബം ഇപ്പോൾ കഴിയുന്നത്.
