Uncategorized
മോഷണക്കേസിൽ മുൻ പൊലീസുകാരൻ അറസ്റ്റിൽ, ക്ഷേത്രത്തിലെത്തിയ ഭക്തന്റെ മൊബൈൽ ഫോൺ കവർന്ന സംഭവം, പിടിയിലായത് പയ്യന്നൂർ സ്വദേശി
കണ്ണൂർ: ക്ഷേത്രത്തിൽ നിന്നും ഭക്തന്റെ മൊബൈൽ ഫോൺ കവർന്ന മുൻ പോലീസുകാരൻ അറസ്റ്റിൽ. പയ്യന്നൂർ അന്നൂർ സ്വദേശി വി എം വിപിൻ കുമാറാണ് അറസ്റ്റിലായത്. തളിപ്പറമ്പ് രാജരാജേശ്വര ക്ഷേത്രത്തിൽ വെച്ചാണ് കഴിഞ്ഞ ദിവസം മോഷണം നടത്തിയത്. ക്ഷേത്രത്തിനു സമീപത്തെ റാക്കിൽ തൂക്കിയിട്ട ഷർട്ടിന്റെ പോക്കറ്റിൽ നിന്നാണ് 27000രൂപ വിലവരുന്ന മൊബൈൽ മോഷ്ടിച്ചത്. സമാന കേസുകളിൽ ഉൾപ്പെട്ടതിനെ തുടർന്നാണ് ഇയാളെ സർവീസിൽ നിന്നു പുറത്താക്കിയത്.
