കണ്ണൂർ: സംസ്ഥാനത്തെ 465 പഞ്ചായത്തുകളിൽ പുതുതായി കളിക്കളങ്ങൾ നിർമിക്കുമെന്ന് കായിക വകുപ്പ് മന്ത്രി വി. അബ്ദുറഹ്മാൻ.
കണ്ണൂർ മുണ്ടയാട് ഇൻഡോർ സ്റ്റേഡിയത്തിൽ സംസ്ഥാന സീനിയർ പുരുഷ-വനിത വോളിബോൾ ചാമ്പ്യൻഷിപ്പ് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സംസ്ഥാന കായികരംഗം പുതിയ മേഖലകളിലേക്ക് കടക്കുകയാണ്. പഞ്ചായത്ത് തലത്തിൽ സ്പോർട്സ് കൗൺസിലുകൾ രൂപീകരിച്ചുകഴിഞ്ഞു. ഇതിന്റെ പ്രഖ്യാപനം ഉടനുണ്ടാകും.
മെഡലുകൾ മാത്രമല്ല കായികവകുപ്പിന്റെ ലക്ഷ്യം. ഉന്നതവിദ്യാഭ്യാസ മേഖലയിലും തൊഴിൽ മേഖലയിലും കായികമേഖലയുടെ സ്വാധീനം വർധിപ്പിക്കാനാണ് സർക്കാർ ലക്ഷ്യമിടുന്നതെന്നും മന്ത്രി പറഞ്ഞു.