പൊലീസിന് വീഴ്ച സംഭവിച്ചിട്ടില്ല, ഞാൻ അരമണിക്കൂർ നേരത്തെ എത്തി’; യുവമോർച്ച പ്രതിഷേധത്തിൽ മന്ത്രി കെ എം ഷാജി
തിരുവനന്തപുരം: യുവമോര്‍ച്ച വഴിയില്‍ തടഞ്ഞ പ്രതിഷേധത്തില്‍ പൊലീസിന് വീഴ്ച സംഭവിച്ചില്ലെന്ന് മന്ത്രി കെ എം ഷാജി. സംഭവത്തില്‍ തനിക്കാണ് വീഴ്ച സംഭവിച്ചതെന്നും കെ എം ഷാജി പറഞ്ഞു. നിശ്ചയിച്ചതിലും അര മണിക്കൂര്‍ മുന്‍പ് താന്‍ ഓഫീസില്‍ നിന്ന് ഇറങ്ങിയെന്നാണ് മന്ത്രിയുടെ വിശദീകരണം. അക്കാര്യം പൊലീസിനെ അറിയിച്ചിരുന്നില്ലെന്നും മന്ത്രി വ്യക്തമാക്കി. യുവമോര്‍ച്ച പ്രതിഷേധത്തില്‍ വലിയ പ്രശ്‌നങ്ങള്‍ ഒന്നും ഉണ്ടായില്ലെന്നും കെ എം ഷാജി പറഞ്ഞു.കഴിഞ്ഞ ദിവസമാണ് മന്ത്രിയുടെ വാഹനത്തിന് നേരെ യുവമോര്‍ച്ചയുടെ പ്രതിഷേധമുണ്ടായത്. മന്ത്രിയെ തടഞ്ഞ യുവമോര്‍ച്ച നേതാക്കള്‍ മന്ത്രിയുടെ വാഹനം ഏകദേശം ഇരുപത് മിനിട്ടോളം ഉപരോധിച്ചിരുന്നു. തുടര്‍ന്ന് മന്ത്രി ഓട്ടോറിക്ഷയില്‍ കയറി പോകുകയായിരുന്നു. എന്നാല്‍ ഓട്ടോയും തടഞ്ഞതോടെ മന്ത്രി കാല്‍നടയായി പോവുകയായിരുന്നു. സംഭവത്തില്‍ പൊലീസ് വീഴ്ചയുണ്ടായിരുന്നെന്നാണ് ഇന്റലിജന്‍ റിര്‍പ്പോര്‍ട്ട് വന്നത്. എന്നാല്‍ ഇപ്പോള്‍ പൊലീസിന് വീഴ്ച സംഭവിച്ചില്ലെന്ന് പറഞ്ഞ് മന്ത്രി തന്നെ രംഗത്തെത്തിയിക്കുകയാണ്.
അതേസമയം, മന്ത്രി കെ എം ഷാജിയുടെ ഔദ്യോഗിക വാഹനം വഴിയില്‍ തടഞ്ഞതില്‍ യുവമോര്‍ച്ച പ്രവര്‍ത്തകര്‍ക്കെതിരെ കേസെടുത്തിരുന്നു. കന്റോണ്‍മെന്റ് പൊലീസ് ആണ് സ്വമേധയാ കേസെടുത്തത്. തിരുവനന്തപുരം വാൻറോഡ് പരിസരത്ത് വെച്ചാണ് യുവമോര്‍ച്ച പ്രവര്‍ത്തകർ മന്ത്രിയുടെ വാഹനം തടഞ്ഞത്. കൊല്ലത്ത് യൂത്ത് കോണ്‍ഗ്രസ് പ്രവര്‍ത്തകര്‍ കേന്ദ്ര ആഭ്യന്തര മന്ത്രി അമിത് ഷായ്‌ക്കെതിരെ കരിങ്കൊടി കാണിച്ചതിന് പിന്നാലെയാണ് സംസ്ഥാനത്ത് മന്ത്രിമാര്‍ക്കും മുഖ്യമന്ത്രിമാര്‍ക്കും നേരെ വ്യാപക പ്രതിഷേധം ആരംഭിച്ചത്. പീന്നിട് നടന്ന ഡിസിസി ഓഫീസ് ആക്രമണത്തിലും യുത്ത് കോഗ്രസ്- യുവമോർച്ച സംഘർഷം കൂടുതൽ രൂക്ഷമായി.
