കാസർകോട് കാഞ്ഞങ്ങാട് ചിത്താരി സ്വദേശി ദുബായിൽ കാറിൽ മരിച്ച നിലയിൽ കണ്ടെത്തി. നോർത്ത് ചിത്താരി മീത്തൽ പരേതനായ മൊയ്തീൻ്റെ മകൻ ടി വി ഫിറോസ് (32) ആണ് മരിച്ചത്. ഹൃദയാഘാതത്തെ തുടർന്നാണ് മരണം സംഭവിച്ചതെന്നാണ് പ്രാധമിക നിഗമനം.
ഫിറോസിനെ കാണാതായതിനെ തുടർന്ന് ദുബായിലുള്ള ബന്ധുക്കളും സുഹൃത്തുക്കളും നടത്തിയ തിരച്ചിലിൽ സൂപ്പർമാർക്കറ്റിന്റെ പാർക്കിങിൽ കാറിൽ ചാരി കിടന്ന നിലയിലായിരുന്നു ഫിറോസിനെ കണ്ടെത്തിയത്. രാത്രി 9 മണിയോടെയായിരുന്നു സംഭവം.
പൊലീസ് എത്തി കാറിന്റെ ഗ്ലാസ് തകർത്താണ് ഫിറോസിനെ പുറത്തെടുത്തത്. ഉടൻ ആശുപത്രിയിലെത്തിച്ചെങ്കിലും മരണം സംഭവിച്ചു. സഹോദരങ്ങളായ കെഎംസിസി നേതാവ് അഷറഫ്, സെെനുദ്ദീൻ എന്നിവർക്കൊപ്പം ദുബായിൽ സൂപ്പർമാർക്കറ്റ് നടത്തി വരികയായിരുന്നു ഫിറോസ്.
