കള്ളാട് ദുരന്തത്തിൽ മുഖ്യമന്ത്രി മറ്റുള്ളവരെപ്പറ്റി പരാതി പറയുന്നു. ഏറ്റവും വലിയ പരാതിക്കാരനായി മുഖ്യമന്ത്രി മാറിയെന്ന് പി എ മുഹമ്മദ് റിയാസ്. ഇവിടെ മണ്ണ് മാറ്റാൻ പറഞ്ഞിട്ട് കരാറുകാരൻ മാറ്റിയില്ലെന്ന പരാതി പറയുകയാണ് മുഖ്യമന്ത്രിയെന്നും അദ്ദേഹം വയനാട്ടിൽ മാധ്യമങ്ങളോട് പറഞ്ഞു.
ഈ സാഹചര്യത്തിൽ മുഖ്യമന്ത്രിയും മറ്റ് മന്ത്രിമാരും പറയുന്നത് അബദ്ധങ്ങളാണ്. ഒരു മന്ത്രി മനുഷ്യനിർമ്മിത ദുരന്തമാണ് എന്ന് പറയുന്നു. വേറൊരു മന്ത്രി പഴയ സർക്കാരിന്റെ കുറ്റമാണെന്ന് പറയുന്നു, മറ്റൊരു മന്ത്രി എന്റെ ഡിപ്പാർട്ട്മെന്റ് അല്ല എന്ന് പറയുന്നു.
ഇതാണ് ഇപ്പോഴത്തെ അവസ്ഥയെന്നും അദ്ദേഹം പറഞ്ഞു. എല്ലാവരും ചേർന്ന് രക്ഷാപ്രവർത്തനം ഇറങ്ങണമെന്നും എല്ലാവരും ചേർന്ന് രക്ഷാപ്രവർത്തനത്തിന് ഇറങ്ങിയിട്ടുണ്ട് എന്നും പി എ മുഹമ്മദ് റിയാസ് കൂട്ടിച്ചേർത്തു.
