മുംബൈ> സംഗീത സംവിധായകനും ഗായകനുമായ ബപ്പി ലഹിരി (69) അന്തരിച്ചു. മുംബൈയിലെ ക്രിറ്റികെയർ ആശുപത്രിയിൽ ആയിരുന്നു അന്ത്യം.
80കളിലും 90കളിലും ഇന്ത്യയിൽ ഡിസ്കോ സംഗീതം ജനപ്രിയമാക്കിയ സംഗീതസംവിധായകനും ഗായകനുമായിരുന്നു ബപ്പി ലഹിരി. 1970-80 കളിലെ ‘ചൽത്തേ ചൽത്തേ’, ‘ഡിസ്കോ ഡാൻസർ’, ‘ഷരാബി’ തുടങ്ങിയ നിരവധി ചിത്രങ്ങളിൽ ബപ്പി ലഹിരി ജനപ്രിയ ഗാനങ്ങൾ നൽകിയിട്ടുണ്ട്. 2020-ൽ പുറത്തിറങ്ങിയ ‘ബാഗി 3’ എന്ന ചിത്രത്തിനുവേണ്ടിയായിരുന്നു അദ്ദേഹത്തിന്റെ അവസാന ബോളിവുഡ് ഗാനം.
ഹിന്ദിക്ക് പുറമെ ബംഗാളി, തെലുങ്ക്, തമിഴ്, കന്നഡ, ഗുജറാത്തി എന്നീ ഭാഷകളിലും പാട്ടുകളൊരുക്കിയിട്ടുണ്ട്. മികച്ച സംഗീത സംവിധായകനുള്ള ഫിലിം ഫെയര് പുരസ്കാരം നാല് തവണ ലഭിച്ചു.