ഇരിട്ടി:വാഹനാപകടത്തിൽ പരുക്കേറ്റ് കണ്ണൂരിലെ സ്വകാര്യ ആശുപത്രിയിൽ ചികിത്സയിലായിരുന്ന ഇരിട്ടി സ്വദേശി മരണപ്പെട്ടു.കല്ലുമുട്ടി ആനയോട് ആദിവാസി നഗറിനടുത്ത് കടുമ്പൻചിറ ഹൗസിൽ ജെയിംസ് കടമ്പൻചിറ (58) ആണ് ചൊവ്വാഴ്ച്ച രാത്രി 9 മണിയോടെ മരണപ്പെട്ടത്.
ഒരാഴ്ച്ച മുൻപാ യിരുന്നു അപകടം. ജർമ്മനിയിൽ നഴ്സിംഗ് വിദ്യാർത്ഥിയായിരുന്ന മകളെ നെടുമ്പാശ്ശേരി എയർപോർട്ടിൽ വെച്ച് യാത്രയാക്കി തിരിച്ചു വരികയായിരുന്ന ഇവർ സഞ്ചരിച്ച കാർ മട്ടന്നൂർ ഉരുവച്ചാലിൽ വെച്ച് നിയന്ത്രണം വിട്ട് തെരുവുവിളക്കിന്റെ പോസ്റ്റിൽ ഇടിച്ചു മറിയുകയായിരുന്നു. അപകടത്തിൽ തലയ്ക്കും നെഞ്ചിനുംഗുരുതര പരുക്കേറ്റ ജെയിംസിനെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിക്കുകയായി രുന്നു തീവ്രപരിചരണ വിഭാഗത്തിൽ ചികിത്സയിലിരിക്കെയാണ് മരണം
