മാസപ്പടി കേസ്: സിഎംആര്എല് ജനറല് മാനേജര് ഇഡിക്ക് മുന്നില്, മുന് ഓഡിറ്റര്മാരെ ചോദ്യം ചെയ്തു
കൊച്ചി: സിഎംആര്എല്എക്സാലോജിക് സാമ്പത്തിക ഇടപാട് കേസില് സിഎംആര്എല് ജനറല് മാനേജര് മനോഹര് ദാസ് ഇന്ന് എന്ഫോഴ്സ്മെന്റ് ഡയറക്ടറേറ്റിന് (ഇഡി) മുന്നില് ഹാജരാകും. കേസുമായി ബന്ധപ്പെട്ട് കൂടുതല് വിവരങ്ങള് തേടുന്നതിനായാണ് ഇഡി നോട്ടീസ് നല്കിയത്.മാസപ്പടി നല്കിയ കാലയളവിലെ സിഎംആര്എലിന്റെ രണ്ട് മുന് ഓഡിറ്റര്മാരെ ഇഡി തിങ്കളാഴ്ച വീണ്ടും ചോദ്യം ചെയ്തിരുന്നു. ഓഡിറ്റ് റിപ്പോര്ട്ടുകളുമായി ബന്ധപ്പെട്ട കൂടുതല് വിവരങ്ങളും വിശദീകരണങ്ങളുമാണ് അന്വേഷണ സംഘം തേടിയത്.
കേസില് ആദ്യഘട്ട കുറ്റപത്രം സമര്പ്പിക്കുന്നതിന് മുന്നോടിയായുള്ള അന്തിമഘട്ട ചോദ്യം ചെയ്യലാണ് ഇഡി നടത്തുന്നത്. കുറ്റപത്രത്തിന്റെ കരട് ഉടന് ദക്ഷിണമേഖലയുടെ ചുമതലയുള്ള ചെന്നൈ സ്പെഷല് ഡയറക്ടര്ക്ക് കൈമാറുമെന്നാണ് വിവരം. ഡെപ്യൂട്ടി ലീഗല് അഡ്വൈസറുടെ പരിശോധനയ്ക്കും അംഗീകാരത്തിനും ശേഷം എറണാകുളം പിഎംഎല്എ കോടതിയില് കുറ്റപത്രം സമര്പ്പിക്കുമെന്നാണ് സൂചന.
സിഎംആര്എല് എംഡി എസ്.എന്. ശശിധരന് കര്ത്ത, പ്രതിപക്ഷ നേതാവ് പിണറായി വിജയന്റെ മകള് ടി. വീണ എന്നിവരടക്കം 12 പേരാണ് നിലവില് കേസിലെ പ്രതികള്.
