കൊച്ചി: കൊച്ചിയില് ചായക്കടയിൽ വടിവാൾ വീശി ഓട്ടോ ഡ്രൈവറുടെ പരാക്രമം. കൊച്ചി തേവരയിലെ ചായക്കടയിൽ ഇന്നലെ രാത്രിയാണ് സംഭവം നടന്നത്. ചായക്കടയിൽ കിടക്കുകയായിരുന്ന നായയെ ഉപദ്രവിച്ചത് കടയിലെ ജീവനക്കാരൻ ചോദ്യം ചെയ്തതിലാണ് പ്രകോപനം ഉണ്ടായത്. അതേതുടർന്ന് ഓട്ടോയിൽ നിന്ന് വടിവാൾ എടുത്ത് ജീവനക്കാരെ ഭീഷണിപ്പെടുത്തുകയും അസഭ്യവര്ഷം നടത്തുകയും ചെയ്തു. സംഭവത്തിൽ സൗത്ത് പോലീസിൽ കടയുടമ പരാതി നൽകിയിട്ടുണ്ട്. സിസിടിവി ദൃശ്യങ്ങൾ പരിശോധിച്ച് ഓട്ടോയുടെ ആർ സി ഓണറെ പോലീസ് തിരിച്ചറിഞ്ഞിട്ടുണ്ട്
