സ്വർണ റോക്കറ്റ് കിതച്ചു! വിലയിൽ വൻ ഇടിവ്, ആഭരണപ്രേമികൾക്ക് ആനന്ദം

സംസ്ഥാനത്തെ സ്വർണവിലയിൽ ഇന്ന് വൻ ഇടിവ്. ഈ മാസത്തെ ഇതുവരെയുള്ള ഏറ്റവും കുറഞ്ഞ നിരക്കാണ് ഇന്ന് രേഖപ്പെടുത്തിയിരിക്കുന്നത്. പവന് 560 രൂപ കുറഞ്ഞ് 99,760 രൂപയായി. ഏറെനാളുകൾക്കൊടുവിൽ ഇന്നാണ് പവൻ വില ഒരു ലക്ഷത്തിൽ നിന്ന് കുറഞ്ഞത്. ഇന്നലെ പവന് 1,00,320 രൂപയായിരുന്നു.
കേരളത്തിൽ സ്വർണവിലയിൽ മാറ്റങ്ങൾ ഉണ്ടായിക്കൊണ്ടിരിക്കുകയാണ്. കുത്തനെയുള്ള കയറ്റവും അതിനോടപ്പമുള്ള ഇറക്കങ്ങളുമാണ് കുറച്ചു നാളുകളായി സ്വർണ വിലയിൽ ഉണ്ടായിക്കൊണ്ടിരിക്കുന്നത്.വർഷാരംഭത്തിൽ തന്നെ ഒരു ലക്ഷം കടന്ന സ്വർണവില ഇപ്പോൾ വർഷം അവസാനിക്കാൻ പോകുമ്പോഴും ഒരു ലക്ഷത്തിന് മുകളിൽ തന്നെയാണ്. അടുത്തിടെയുണ്ടായ ആഭ്യന്തര പ്രശ്നങ്ങൾ ഇന്ത്യയിലെ സ്വർണ വിലയെ സാരമായി തന്നെ ബാധിച്ചു.
ജനുവരി 29നായിരുന്നു സ്വർണവില ഈ വർഷത്തെ ഏറ്റവും ഉയർന്ന നിരക്കിൽ എത്തിയത്. 1,31,160 രൂപയായിരുന്നു അന്ന് ഒരു പവൻ സ്വർണത്തിന്റെ വില. 2025 ഡിസംബറിലാണ് സ്വർണത്തിന് ഒരു ലക്ഷം രൂപ കടന്നത്. ആഭരണപ്രേമികൾക്കേറ്റ കനത്ത തിരിച്ചടി ആയിരുന്നു അത്. സ്വർണവിലയിലെ കുതിച്ചുചാട്ടവും ഇടിവും സ്വർണം വാങ്ങാൻ പദ്ധതിയിടുന്നവരെ ആശങ്കയിലാക്കുന്നു.




