ന്യൂഡൽഹി: സിബിഎസ്ഇ പത്ത്, പന്ത്രണ്ട് ക്ലാസുകളിലെ ബോർഡ് പരീക്ഷകളുടെ ഡേറ്റ് ഷീറ്റ് ഔദ്യോഗികമായി പ്രസിദ്ധീകരിച്ചു. പരീക്ഷകൾ ഫെബ്രുവരി 16-ന് ആരംഭിക്കും. പത്താം ക്ലാസ് പരീക്ഷകൾ മാർച്ച് ഒൻപതിനും പന്ത്രണ്ടാം ക്ലാസ് പരീക്ഷകൾ ഏപ്രിൽ ഒൻപതിനും അവസാനിക്കുന്ന രീതിയിലാണ് സമയം ക്രമീകരിച്ചിരിക്കുന്നത്. എല്ലാ പരീക്ഷകളും രാവിലെ 10.30-നാണ് ആരംഭിക്കുന്നത്.
പത്താം ക്ലാസ് പരീക്ഷകൾ ഫെബ്രുവരി 16-ന് പെയിന്റിങ് വിഷയത്തോടെയാണ് ആരംഭിക്കുന്നത്. പ്രധാന വിഷയങ്ങളുടെ പരീക്ഷാ തീയതികൾ താഴെ പറയുന്നവയാണ്:
ഫെബ്രുവരി 17: ഗണിതം (സ്റ്റാൻഡേർഡ്, ബേസിക്)
ഫെബ്രുവരി 19: ഹോം സയൻസ്
ഫെബ്രുവരി 22: സയൻസ്
ഫെബ്രുവരി 24: കമ്പ്യൂട്ടർ ആപ്ലിക്കേഷൻസ്, ഇൻഫർമേഷൻ ടെക്നോളജി, ആർട്ടിഫിഷ്യൽ ഇന്റലിജൻസ്
ഫെബ്രുവരി 26: ഇംഗ്ലീഷ്
ഫെബ്രുവരി 27: മലയാളം ഉൾപ്പെടെയുള്ള പ്രാദേശിക ഭാഷകൾ
മാർച്ച് 3: ഹിന്ദി
മാർച്ച് 4: ഉറുദു, പഞ്ചാബി, ബംഗാളി, തമിഴ്, മറാഠി, ഗുജറാത്തി, മണിപ്പൂരി, തെലുങ്ക് തുടങ്ങിയ ഭാഷകൾ
പ്രായോഗിക പരീക്ഷകളും ഇന്റേണൽ അസസ്‌മെന്റുകളും ജനുവരി ഒന്ന് മുതൽ ഫെബ്രുവരി 13 വരെ നടക്കും. ഇന്ത്യയിലും വിദേശത്തുമുള്ള സിബിഎസ്ഇ അഫിലിയേറ്റഡ് സ്കൂളുകൾക്ക് ഈ സമയക്രമം ബാധകമാണ്. എന്നാൽ ശൈത്യകാല അവധിയുള്ള മേഖലകളിലെ സ്കൂളുകളിൽ പ്രായോഗിക പരീക്ഷകൾ നവംബർ ഒൻപത് മുതൽ ഡിസംബർ 19 വരെയായിരിക്കും നടക്കുക.
വിഷയം തിരിച്ചുള്ള വിശദമായ പരീക്ഷാ തീയതികളും വിവരങ്ങളും സിബിഎസ്ഇയുടെ ഔദ്യോഗിക വെബ്സൈറ്റായ cbse.gov.in വഴി ലഭ്യമാണ്.
