ലോക്സഭയിലെ റേഷൻവിഹിതം സംബന്ധിച്ച ചോദ്യം: എൻ കെ പ്രേമചന്ദ്രനെയും എം കെ രാഘവനെയും വിമർശിച്ച് എം വി ഗോവിന്ദൻ

കൊച്ചി: കൊല്ലം എം പി എൻ കെ പ്രേമചന്ദ്രനെയും കോഴിക്കോട് എം പി എം കെ രാഘവനെയും രൂക്ഷമായി വിമർശിച്ച് സിപിഐഎം സംസ്ഥാന സെക്രട്ടറി എം വി ​ഗോവിന്ദൻ. അതിദാരിദ്ര്യമുക്തമായി പ്രഖ്യാപിച്ചതിനാൽ ഈ റേഷൻവിഹിതം എന്തിന് കേരളത്തിന് നൽകണമെന്ന ധ്വനിയോടെ കൊല്ലം, കോഴിക്കോട് എം പിമാർ ലോക്സഭയിൽ ചോദ്യം ഉന്നയിച്ചു എന്നാണ് ദേശാഭിമാനി ദിനപത്രത്തിൽ എഴുതിയ ലേഖനത്തിലാണ് എം വി ​ഗോവിന്ദൻ്റെ വിമർശനം. റേഷൻവിഹിതവും കാർഡുകളും റദ്ദാക്കുമോ എന്ന ചോദ്യവും കൊല്ലം, കോഴിക്കോട് എംപിമാർ ലോക്സ‌ഭയിൽ ഉന്നയിച്ചെന്നും എം വി ​ഗോവിന്ദൻ ലേഖനത്തിൽ പറഞ്ഞിട്ടുണ്ട്.